Kreshnik Spahiu komentoi mbledhjen e anëtarëve të kryesisë së PS (26 korrik) dhe paralajmëroi se Edi Rama mund të largojë nga qeveria disa nga ministrat të cilët po hetohen nga SPAK.
Spahiu tha se Edi Rama gjithnjë i ka dalë në parapri lëvizjeve të SPAK, duke lëvizur personat të cilët rrezikojnë të dalin para “bankës së të akuzuarve”, nga pozicionet ministrore, ndaj Spahiu parashikon ndryshime në qeveri.
“Rama gjithmonë ka bërë një lëvizje para SPAK-ut. Sa herë që ka parë një apo dy ministra që rrezikojnë burgun, ai i ka lëvizur nga pozicionet ministrore, në mënyrë që kur ata të jenë para bankës së të akuzuarve. Kështu ka ndodhur thuajse në të gjitha rastet kur qeveria socialiste ka nuhatur se njerëzit kanë rënë në rrjetën e drejtësisë. Unë parashikoj se asambleja socialiste do t’i paraprijë me ndryshime rrënjësore në qeveri”, tha Spahiu.












