Kryeministri Edi Rama këtë të hënë zhvilloi një takim me liderët e rajonit. Takimi do të jetë joformal, ndërkohë që kryeministri i Kosovës Albin Kurti refuzoi serish ftesen e Rames.
Në lidhje me këtë ka reaguar dhe politikani Behgjet Pacolli i cili tha se mospjesëmarrja e Kosovës në këtë takim është lajm i keq. Mes të tjerash, Pacolli tha se mungesa e Kosovës në këtë takim e gëzon shumë Serbinë.
“Mos pjesmarrja e Kosovës në takimin pergatitor të Samitit të Berlinit, pa marrë parasysh faji i kujt është, që tani Kryesohet nga Shqipëria është lajmi më i keq që mundet me i ndodh Kosoves. Kjo iniciativë ka në fokus integrimin sa më të shpejtë të rajonit në BE dhe se aty jane bërë shumë lehtësime për Kosovën duke pas parasysh se Serbia gjithmonë ka qene refuzuese ndaj pjesmarrjes se Kosoves. Mos pjesmarrja e Kosoves e gezon shume Serbinë. Keqardhja ime është mungesa totale e përgjegjësisë së Qeverise dhe kryeministrit që përkundër se ishte i ftuar, refuzoi pa asnjë arsye”- tha Pacolli.
