Kryeministri grek, Kyriakos Mitsotakis bëri të ditur qëndrimin e tij ndaj çështjes së emigrantëve.
Mitsotakis i bëri thirrje Bashkimit Europian që të ketë një qasje më të butë dhe përfshirëse ndaj emigrantëve, si një domosdoshmëri për vendet europiane, të cilat sipas tij kanë nevojë për forcë punëtore.
“Nëse ju duhet të ndërtoni një gardh të madh, ju duhet një derë e madhe, kush do t’i mbledhë ullinjtë tanë?” tha Kyriakos Mitsotakis, duke theksuar mungesën e fuqisë punëtore në vend.
Sa i përket “formulës” së ndjekur mes Shqipërisë dhe Italisë, Mitsotakis nënvizoi se kjo është një marrëveshje dypalëshe që mundet ose jo të implementohet edhe në vende të tjera.
Sipas kryeministrit grek marrëveshja “Rama-Meloni” është ende në hapat e parë të zbatimit të saj, ndaj duhet ndjekur ecuria e mëtejshme dhe “fati” që emigrantët do të kenë.
