Fiks një muaj më parë në kulmin e fushatës elektorale kur Edi Rama zhvilloi një takim me gra e vajza në Dropull pati edhe një episod pikant.
Një vajzë e vogël iu afrua aty pranë dhe krejt e shpenguar nisi të kërcente më të nën ritmin e këngës së fushatës. Kërcimi që Edi Rama bëri me vajzën rezulton të jetë video më e shikuar e fushatës në llogarinë e Kryeministrit në rrjetin Tik Tok. Plot 718 mijë shikime ka marrë ajo video e publikuar nga Rama me komentin e shkurtër: “kur ta merr dhe kalamoni përpara…” (KETU SHIKO VIDEO-n)
Viraliteti i kësaj video i rezervoi vajzës një vend të veçantë edhe në dy takime të tjera që Edi Rama zhvilloi në Gjirokastër duke u shndërruar kështu në një lloj simboli të fushatës së socialistëve në këtë bashki. 6-vjeçarja Aleksia Halili nga lagjja “Punëtore” u shfaq pranë Kryeministrit edhe në takimin e madh që u zhvillua në Parkun e Viroit. Përveçse është një fëmijë i talentuar i dy prindërve mësues, për Aleksian nuk dihet asgjë më shumë dhe fundja s’ka arsye të mësojmë diçka më tepër.
