I ftuar në “Breaking” gazetari i Top News, Eduart Halili ka folur në lidhje me operacionet e SPAK, e cila kohët e fundit ka çuar në pranga emra të mëdhenj të politikës.
Halili tha se shumë shpejt, do të kemi goditje nga SPAK, jo vetëm “majtas”, por edhe ndaj opozitës. Gazetari paralajmëroi se muaji Gusht dhe vjeshta do të jetë e “nxehtë” nga operacionet e bujshme të SPAK.
“Pritet aktualisht të përfundohen dosjet që janë aktualisht në SPAK. Përveç dosjes së incerenatorëve, kemi disa kryetarë bashkish që janë në paraburgim, kemi dosjen e ish-ministrit Fatmir Mediu që po hetohet, kemi dosje për lobime në vende të ndryshme, në lidhje me pastrimin e parave (Rasti i LSI-së). Priten nga ana e Prokurorisë së Posaçme të bëhen goditje, pasi duket sikur SPAK është përqendruar vetëm majtas , por jo. Shumë shpjet do priten goditje për “peshq të mëdhenj” dhe në drejtime tjera” nga opozita“, deklaroi Eduart Halili.
