Kryeministri Edi Rama pasditen e sotme ka dalë në një konferencë për shtyp per të komentuar votimin në Kuvend për t’i hapur rrugë arrestimit të Arben Ahmetajt.
“Sot votuam kërkesën e SPAK për të autorizuar arrestimin e një deputeti, ka mbuluar detyra të rëndësishme. Ky zyrtar i lartë ishte një tjetër test për ne, si nismëtarët e Reformës në Drejtësi. E kam kërkuar me shumë ngulm këtë reformë, e kam menduar shumë mirë dhe kam folur për atë që kam menduar. Nuk më takon mua të them nëse është fajtor apo i pafajshëm. Rasti i sotëm është një rast ku kërkesa e SPAK duhet miratuar pa asnjë dyshim. Tani është në dorë të drejtësisë të na tregoj deri në fund nëse është një rast drejtësie apo fajsie”- tha Edi Rama.
Kujtojmë se sot gjatë votimit vetë kryeministri Rama dha votën PRO për kërkesën e SPAK për arrestimin dhe kontrollin e banesës së Arben Ahmetajt.
