Familja e Benet Becit ndodhet në zi.
Kryebashkiaku i Shkodrës ka konfirmuar lajmin e trishtë të ndarjes nga jeta të babait të tij të shtrenjtë, akademikut të njohur Bahri Beci.
“Me dhembje e hidhërim ju njoftojmë që babai ynë, Bahri Beci, ndërroi jetë. Faleminderit babë për kujtimet e bukura e emrin e mirë që na le, për këshillat e urtësinë tënde, për konsistencën e racionalitetin tënd, për arsyetimin e shembullin me të cilin na udhëhoqe e na bëre krenarë. Ditën e martë, homazhet do të mbahen në Akademinë e Shkencave, në orën 9:00-11:30, ndërsa përcjellja e fundit për në varrezat e Sharrës në orën 12:00”, njofton Benet Beci.
