Partia Demokratike ndodhet në zi pasi në moshën 71-vjeçare ka ndërruar jetë, Edmir Kapidani, ish-zëvendësministër i Arsimit “i zgjedhur” nga Sali Berisha gjatë qeverisë demokrate.
Lajmin e trishtë e ka konfirmuar Sali Berisha i cili shpreh ngushëllime për humbjen e ish-kryetarit të PD-së në Durrës, Edmir Kapidanit.
“Edmir Kapidani mbyll sytë përgjithmonë. Kapidani njëri nga veprimtarët më të shquar të Partisë Demokratike të Degës Durrës, ish kryetari i saj në 3 mandate edhe në periudhat më të vëshira të saj, anëtar i forumeve qëndrore të kësaj partie, ish zëvendësministër i arsimit në qeverinë e Partisë Demokratike mbylli sytë përgjithmonë. Edmir Kapidani ishte një politikan i urtë dhe i vendosur, drejtues i aftë, punëtor, i përkushtuar, me një kontribut të spikatur në fushat ku punoi. Shpreh ngushëllimet e mia familjes së tij të nderuar, miqve të afërmve dhe të gjithë demokratëve të Durrësit për ndarjen nga jeta të Edmir Kapidanit”, shkruan Berisha.
