Pas një operacioni të vështirë mjekësor, është ndarë nga jeta në moshën 71-vjeçare gazetari Astrit Lulushi i cili prej kohësh vuante nga një sëmundje e rëndë.
Lajmi i ndarjes nga jeta të gazetarit, përkthyesit, shkrimtarit dhe veprimtarit të njohur, ka tronditur komunitetin e gazetarëve dhe miqve të tij.
Ish-gazetar i “Zërit të Amerikës”, Astrit Lulushi për rreth 30 vite, ishte një figurë me peshë në kulturën e diasporës shqiptare dhe një intelektual që mbeti model për përkushtimin e tij ndaj shkrimit dhe gazetarisë. Në karrierën e tij, Lulushi botoi 17 libra dhe la gjurmë të thella me veprimtarinë e tij letrare e publicistike duke bashkëpunuar me media të shumta në Shqipëri.
