Pas 4 orësh diskutime, vendimi është SHTYRË për nesër dhe seanca e Këshillit të Mandateve do të vijojë pasditen e së mërkurës për të diskutuar heqjen ose jo të imunitetit për Arben Ahmetajn.
Këshilli i Mandateve ka pranuar kërkesën e bërë nga avokatët e Arben Ahmetajt të cilët kanë kërkuar shtyrje të mbledhjes në mënyrë që të kenë më shumë kohë në dispozicion për të përgatitur mbrojtjen e klientit të tyre.
Avokati i Ahmetajt, Henrik Ligori, deklaroi gjatë mbledhjes së Këshillit të Mandateve se: “Ahmetaj për momentin nuk ndodhet në Shqipëri”. Këshilli i Mandateve do të mblidhet sërish ditën e nesërme në orën 16:00.
