Me urdhër të SPAK është arrestuar ish-ministri i Shëndetësisë, Ilir Beqaj pasi akuzohet për abuzime të fondeve të agjencisë SASPAC.
Lajmi konfirmohet nga burime mediatike pranë SPAK, ku mësohet se në pranga është vënë dhe një nga njerëzit më të besueshëm të Beqajt.
Lidhur me këtë dosje, pak muaj më parë u zhvilluan disa kontrolle në biznese. Beqaj doli në komunikime me vartës të tij në kohen kur drejtonte zyrën e SASPAC. Biseda ishte në lidhje me “kopsitjen” e disa dokumentave dhe praktikave.
“Ju konfirmoj se, sot është kryer arrestimi i shtetasit Ilir Beqaj në zbatim të vendimit të Gjykatës së Posaçme të Shkallës se Parë për Korrupsionin dhe Krimin e Organizuar”, thuhet në një njoftim të shkurtër.
