Sali Berisha ka bërë me dije emrin që Partia Demokratike do të mbështesë në garën për bashkinë e Tiranës.
Bëhet fjalë për aktorin e njohur, Florjan Binaj i cili siç e tha edhe Berisha pritet të shohim nëse partitë e tjera opozitare do t’i thonë “Po” kësaj kandidature të pavarur.
“Midis kandidaturave të ardhur nga personalitete dhe drejtues të PD, tashmë të bëra publike, për të cilët kam vlerësimin më të madh, PD informon se do të mbështesim kandidaturën e Florian Binaj. Një personalitet me reputacion të gjerë, tek i cili gjejnë veten më shumë se kushdo tjetër të përfaqësuar qytetarët e Tiranës. Florian Binaj është nga ata artistë që konsideron kauzat qytetare si kauza të tij dhe të gjithë ju jeni dëshmitarë të betejave që ka bërë së bashku me të tjerët në mbrojtje të këtyre kauzave”, tha Berisha.
