Euro e mbylli muajin Gusht më e dobët se kurrë, por edhe në shtator vazhdon ulja e frikshme ndaj monedhës europiane.
Tregu valutor ka pësuar një tjetër ndryshim drastik sot (5 shtator), pasi 1 Euro sot po blihet me 99.2 Lekë dhe shitet 100.0 Lekë, nivel tepër i ulët. Ekspertët shprehen se deri në fund të muajit shtatorit nuk pritet të ketë rikuperim të Euros.
Nga ana tjetër, edhe dollari amerikan ka pësuar një ulje të lehtë pasi sot blihet me 89.4 Lekë dhe shitet 90.4 Lekë.
Kursi i këmbimit vazhdon të jetë nën efektin e faktorit sezonal që karakterizohet nga një prurje e madhe e valutës së huaj. Të dhënat historike tregojnë se kulmi i efektit sezonit veror mbi kursin e këmbimit arrihet në fund të muajit gusht ose fillim të shtatorit.
