Lajm i mirë për te moshuarit pasi në muajin tetor pensionet do të indeksohen me vlerën 2.5%.
Kaq ka rezultuar (2.5%) Indeksi i Çmimeve të Konsumit të shportës së mallrave dhe shërbimeve për pensionistët i përllogaritur nga Instituti i Statistikave.
Pensionet urbane të pleqërisë rriten me afro 490 lekë të reja, nëse marrim si referencë vlerën mesatare të kësaj kategorie që në fund të 2024-shit ishte 19.609 lekë. Ndërsa për pensionet rurale, shtesa është 296 lekë të reja, pasi pensioni mesatar rural është 11,878 lekë.
Ky indeksim 2.5% per pensionet pritet të marrë “vulën” nga Këshilli Administrativ i Institutit të Sigurimeve Shoqërore dhe më pas nga Këshilli i Ministrave.
Shqipëria numëron në total 721,398 pensionistë nga këto 630 mijë janë pleqërie urbane dhe 91 mijë janë rurale.
