Qeveria gjermane modernizoi ligjin e migracionit duke lehtësuar rregullat për ardhjen e fuqisë punëtore në Gjermani.
Nga 1 Qershori futen ne fuqi dy rregulla të rëndësishme për Ballkanin Perëndimor. Nga 25 mijë që është aktualisht, do të zgjerohet në 50 mijë numri i emigrantëve që vijnë nga Shqipëria, Kosova, Bosnje-Hercegovina, Maqedonia e Veriut, Mali i Zi, Serbia drejt Gjermanisë.
- Më 1 Qershor hyn në fuqi “Karta e Shanseve”
Me këtë kartë të huajt nga vendet jo anëtare të BE kanë mundësi të udhëtojnë në Gjermani për të kërkuar punë, edhe pa pasur kontratë pune. Për marrjen e Kartës së Shanseve duhen mbledhur pikë: Ka disa kriteret për marrjen e pikëve, aty llogaritet njohja bazë e gjuhës gjermane apo njohja e mirë e gjuhës angleze, kualifikimet, përvoja profesionale, të paktën dy vjet apo një shkollim i lartë profesional në vendin origjinë. Për arritje të tjera të veçanta, kandidatët marrin pikë të tjera – Kush arrin 6 pikë merr lejen e qëndrimit në Gjermani për 1 vit, nëse e siguron vetë jetesën.
