SPAK ka kërkuar dënimin me 2 vite burg për kryebashkiakun e Shkodrës, Benet Beci, për veprën penale të shkeljes së barazisë së pjesëmarrësve në tendera apo ankande publike.
Në konkluzionet përfundimtare, prokuroria i ka kërkuar Gjykatës së Posaçme që dënimi me burg të konvertohet në 4 vite shërbim prove.
Kësisoj nëse gjykata pranon kërkesën e SPAK, kryebashkiaku i Shkodrës nuk do ta vuajë dënimin në burg, por do t’i nënshtrohet shërbimit të provës për një periudhë katërvjeçare.
Sipas raportimeve paraprake, Beci akuzohet për favorizim në një tender gjatë kohës kur drejtonte Korporatën Elektroenergjetike Shqiptare (KESH).
