Një autobus me më shumë se 15 pasagjerë brenda është aksidentuar në aksin Fier-Levan, në vendin e quajtur Qafa e Koshovicës, paraditen e kësaj të hëne.
Nga informacionet e para mësohet se e plagosur ka mbetur një grua, pasagjere në autobus.
Shkak i aksidentit mësohet se është bërë një parakalim i gabuar nga drejtuesi i një automjeti tip “Volkswagen Polo”, duke u përplasur me autobusin urban të linjës Fier-Ferras
Në vendngjarje kanë mbërritur ambulanca e cila kanë transportuar gruan drejt spitalit për të marrë ndihmën mjekësore. Nga autoritetet vijon puna për dokumentimin dhe zbardhjen e plotë të ngjarjes.
