Kryeqyteti shqiptar do të presë nesër liderët e institucioneve europiane dhe disa krerë shtetesh, në kuadër të Samitit Bashkimi Europian – Ballkani Perëndimor.
Në prag të kësaj ngjarje të rëndësishme dhe historike për vendin tonë, rrugët që të sjellin në Tiranë, Bulevardi qendror “Dëshmorët e Kombit” dhe institucionet përreth, janë zbukuruar me portretet e disa prej figurave më të njohura të historisë dhe politikës europiane. Flamuj të Bashkimit Europian dhe të Shqipërisë janë vendosur në autostradat që të sjellin në Tiranë, në rrugën e Rinasit duke filluar nga Aeroporti dhe në Bulevard, për të treguar atmosferën e këtij samiti.
Ditën e sotme 11 delegacione kanë mbërritur në Tiranë të Hënën, ndërsa pjesa tjetër paraditen e të Martës prej orës 09:15 e mik-pritur më pas nga kryeministri Edi Rama në Sheshin Italia.
