Tirana po vendos rekorde me projekte kullash dhe së fundmi Këshilli Kombëtar i Territorit miratoi lejen për një ndërtesë me 65 kate mbi tokë dhe 6 nën tokë e cila do të ndërtohet në zonën e “Bulevardit të Ri” në Tiranës.
Në mbledhjen e KKT-së u miratuan disa leje të ndërtimit për projekte kullash ku më kryesorja është ajo në “Bulevardin e Ri” me 65 kate, që lë pas projektin “Mount Tirana” që është deri më tani projekti me lartësinë më të madhe, me 58 kate.
Në listën e KKT janë edhe disa projekte në rrugën “Dritan Hoxha” me 35 kate, apo në rrugën “Teodor Keko”, me lartësi 50 kate mbi tokë.
Tashmë duket se kullat po kalojnë zonën brenda unazës duke u shtirë edhe në pjesën më periferike të kryeqytetit. Nga viti 2019 në Tiranë ka pasur një rritje të ndjeshme lejeve të dhëna për ndërtim.
