Më 14 qershor do të mbahet takimi i 9-të i përbashkët mes qeverive të Kosovës dhe Shqipërisë. Ndryshe nga heret e tjera, pritet që takimi të zhvillohet në nje vend surprizë, pra në Gjakovë, pikërisht në ditën e cila përkon me “përkujtimin e të rënëve në luftën për çlirimin e Kosovës”.
Lajmin e ka konfirmuar kryeministri Albin Kurti gjatë mbledhjes së kabinetit të tij, i cili tha se do të nënshkruhen një sërë marrveshjesh në fushën e drejtësisë, arsimit, shëndetësisë, bujqësisë dhe mbrojtjes.
Po ashtu në këtë mbledhje “Rama-Kurti” do të propozohet marrëveshja për lehtësimin e procedurave të kontrollit të produkteve me origjinë jo shtazore, në mënyrë që importi, transiti dhe eksporti i ushqimeve me origjinë jo shtazore, të mund të realizohet në Pikën e Inspektimit Kufitar ose në doganën më të afërt të vendit të destinacionit.
