Shtyhet seanca gjyqësore ndaj Sali Berishës. Mësohet se seanca për ish-kryeministrin është vendosur për ditën e nesërme në orën 14:30.
Gjithashtu Berisha ka nisur “hakmarrjen” e tij në drejtësi pasi nëpërmjet avokatit të tij ka kërkuar përjashtimin e gjyqtares Irena Gjoka nga çështja e vlerësimit të masave të sigurisë.
Sipas avokatit të Berishës, gjyqtarja ka shpërdoruar detyrën, teksa ka miratuar masën “detyrim paraqitje” me “ndalim të lëvizjes jashtë vendit”, çka sipas ish-Kryeministrit dhe mbrojtësve të tij, është në shkelje me Kushtetutën, pasi një deputeti të Kuvendit nuk mund t’i ndalohet lëvizja, pa marrë lejen nga Kuvendi.
“Nga ana e Berisha sot është bërë kallëzim në SPAK ndaj gjyqtares së çështjes, për shpërdorim detyre, sepse vendimi është në shkelje të Kushtetutës. Kemi kërkuar përjashtimin e Irena Gjokës. Gjykimi është ndërprerë për të shqyrtuar këtë kërkesë. Po presim për vendimin e shqyrtimit për përjashtimin e saj”, tha avokati i Berishës.
