Mbrëmjen e sotme Sali Berisha ka shprehur ngushëllimet për ndarjen nga jeta të klerikut, At Artur Liolin.
Berisha është shprehur se Kisha Orthodokse Autoqefale Shqiptare, diaspora jonë në SHBA dhe kombi shqiptar humbën një udhëheqës shpirtëror të urtë, atdhetar dhe mendjendritur.
“Dielli perëndoi përgjithmonë për At Artur Liolin. Të dashur miq, kancelari i Kryepeshkopatës Orthodokse Shqiptare, dishepulli i ‘Fan Nolit’ At Artur Evans Liolin mbylli sytë përgjithmonë. Kisha Orthodokse Autoqefale Shqiptare, diaspora jonë në SHBA dhe kombi shqiptar humbën një udhëheqës shpirtëror të urtë, atdhetar dhe mendjendritur, humbën dishepullin e shquar të themeluesit të kishës orthodokse autoqefale shqiptare Fan S. Noli dhe vazhduesin e denjë të veprës së tij të përjeteshme. Unë lutem së bashku me ta që shpirti i mirë i At Artur Liolin të gjej paqen e merituar!”, shkruan ndër të tjera Sali Berisha.
