Forcat e policisë kanë mbërritur në vilën e Jamarër Malltezit në Gjirin e Lalëzit për të vendosur sekuestron preventive ndaj kësaj prone.
Gjykata e Posacme ka urdhëruar sekuestrimin e pasurive mes tyre edhe kjo vilë në pronësi të dhëndrit të Sali Berishës, Jamarber Malltezit.
Dy përfaqësues të policisë së Shtetit nga Drejtoria e Krimit Ekonomik kanë hyrë brenda oborrit të vilës dhe janë duke kryer procedurën e sekuestrimit, raporton “Shqiptarja.com”
Në total janë 16 pasuri të paluajtshme që i janë sekuestruar Malltezit. Gjithashtu 6 llogari bankare (në euro, dollarë dhe lekë) si dhe kuotat e kapitalit themeltar në pronësi të tij në shoqëritë “Homeplan” shpk (45% e kuotave), “Magnet IMO” shpk (100% e kuotave) dhe “Magnet Gym&Fit (60% e kuotave).
