Kryeministri Edi Rama njofton se të gjitha strukturat e shtetit ndodhen ne terren duke filluar nga forcat e emergjencave civile dhe duke perfunduar tek trupat ushtarake.
Rama nuk ka kursyer edhe kitikat duke shkruar “përmbytja e kanaleve të komunikimit mediatike me shpifje, akuza e spekullime të llojllojshme”. Kreu i qeverisë ndër të tjera ka dhënë dhe një përgjigje për importin e energjisë duke thënë se KESH ka vendosur të importojë energji elektrike sipas procedurës së datës 11 Nëntor dhe nëse nuk do të ishte importuar, rezerva energjetike do të ishte në minimalen historike, duke rrezikuar vetë furnizimin normal me energji.
“NË KRYE TË DETYRËS (mes prurjeve të shiut të dhe të llumit). E vërteta është se KESH ka vendosur të importojë energji elektrike sipas procedurës së datës 11 Nëntor, sepse nga të gjitha parashikimet e motit, situata e rreshjeve pritej të intensifikohej vetëm në mesditën e datës 20 Nëntor dhe nëse nuk do të ishte importuar, rezerva energjetike do të ishte në minimalen historike, duke rrezikuar vetë furnizimin normal me energji“, shkruan nder te tjera Edi Rama.
