Bora e parë ka rënë në pjesët më malore të veriut të vendit, teksa në fundjavë pritet që të jetë akoma dhe më intensive.
Meteorologu Hakil Osmani parashikon që të shtunën e të dielën, do të ketë reshje bore më të xendura në veri-lindje kryesisht, në Kukës, Peshkopi dhe Bajram Curri, si dhe në jug-lindje.
“Në orët vijuese, vranësirat të pësojnë zhvillime, duke pasur shi në Ultësirën Perëndimore dhe dëborë në pjesën lindore të territorit shqiptar. Gradualisht do kemi edhe rritje të temperaturave të ajrit. Edhe fundjava do të vijojë me vranësira të dendura. Në zonat malore, të shtunën dhe të dielën do kemi bore, ku më shumë do kemi në Kukës, Peshkopi e Bajram Curri, ndërsa më të pakta do jenë në Korçë e Ersekë. Reshjet do jenë më të dukshme do të jenë të dielën, ku mund të ketë edhe rrebeshe. Kemi edhe erë të fortë, që mund të pezullojë lundrimin detar, sidomos për anijet e vogla”, tha meteorologu Hakil Osmani.
