Bordi i Transparencës ka reaguar duke publikuar çmimet e reja të karburanteve (nafta, benzina e gazi) në vendin tonë.
Bordi i ngritur nga Kryeministri Edi Rama ka ndryshuar çmimin e naftës e cila nga sot do të kushtojë 203 lekë/litër nga 197 që ishte disa ditë më parë. Në krahun tjetër, benzina do të kushtojë 178 lekë/litër, kurse gazi do të shitet me 71 lekë/liter.
Çmimet e caktuara nga Bordi do të hynë në fuqi sot (ora 18:00) datë 14 dhjetor dhe do të jenë të vlefshme deri në mbledhjen e ardhshme të Bordit që është ngritur nga Qeveria Rama për të mos lejuar abuzimet me çmimet.
