Kryeministri Edi Rama shprehet i vendosur për të kryer amnistinë fiskale. Gjatë fjalës së tij në një tryezë në Ditën e Diasporës, Rama tha se Shqipëria nuk ka pse privohet nga kjo e drejtë, që e aplikojnë edhe vende të tjera.
“Ne do ta bëjmë”, u shpreh Rama i vendosur, duke thënë se shpreson që “Bashkimi Europian të paktën të mos e pengojë realizimin e amnistisë fiskale, por të ushtrojë të drejtën e vetë për ta monitoruar”.
Rama: “Amnistia fiskale do të garantojë formalizimin e të gjitha të ardhurave nga puna të shqiptarëve në Diasporë. Ekonomia informale nuk është një territor vetëm i vendeve në zhvillim si Shqipëria, por është një zonë që ekziston edhe në vendet e zhvilluara. Puna në të zezë, pagesat në Cash për punë të paregjistruara janë një konstante edhe në vendet e zhvilluara. Kemi arsye dhe raste për ta bërë më në fund këtë hap i cili ka qenë dashur të bëhet prej shumë kohësh”.
