Sali Berisha tha se nuk e njeh vendimin e GJKKO, që e detyron të shkojë të hënën e parë dhe të tretë të çdo muaji para oficerit të policisë gjyqësore, në kuadër të hetimeve që SPAK po kryhen lidhur me privatizimin e kompleksit Partizani.
Lidhur me qëndrimet e mbajtura nga Berisha, avokati Spartak Ngjela tha për Report TV se nëse Berisha refuzon të shkojë, “SPAK mund ta shoqërojë edhe me forcë”.
“Procedurat janë të gabuara. Proceduralisht vetë e kanë bërë ligjin. Ia hoqën të drejtën imunitetit, ja kanë lënë parlamentarit vetëm në arrest. Fakti që nuk është arrestuar nuk është e rëndë, është vetëm në proces. Të paraqitet. SPAK e kanë ndërtuar vetë të tërë këta. Njeriu nën akuzë nuk është shumë i qetë, ka shqetësim psikik. Nëse s’do paraqitet ata mund ta marrin edhe forcërisht. Unë them se cilat janë momentet ligjore, do i bëjë apo jo SPAK nuk e di”, tha Ngjela.
