Kryeministri Edi Rama nuk la pa ‘shigjetuar’ homologun e tij Albin Kurti, pasi ky i fundit e injoroi gjatë vizitës së tij në Kosovë ditën e djeshme.
Rama tha se “heroizmat” i përkasin të shkuarës dhe se sot rajoni ka nevojë për bashkëpunim dhe rritje ekonomike të paqe mes qytetarëve.
“Duam paqe për njerëzit dhe të kenë më shumë punë dhe jo përralla e histori heroizmash. Heroizmat i përkasin të kaluarës nuk kemi nevojë për heronj të rinj, por të punojmë se si ti bëjmë ekonomitë tona më të forta. Nuk shkova në Prishtinë për t’u martuar me Kurtin. Nuk kam asnjë problem personal apo institucional vetëm qëndrime të kundërta lidhur me një situatë të caktuar”– tha Rama.
