Drejtori i Policisë së Shtetit, Ilir Proda ka vlerësuar punën për garantimin e rendit dhe sigurisë për parandalimin e ngjarjeve kriminale.
Gjatë analizës rezultoi edhe një statistikë ‘pikante’: Gjatë vitit 2024, në qarkun e Elbasanit nuk është regjistruar asnjë vrasje. Ky rezultat mund të quhet një arritje për rekord, pasi nuk kishte ndodhur që nga viti 1989 që përgjatë një viti të mos regjistrohej asnjë vrasje në këtë qark.
Kjo statistikë për parametrat e sigurisë së qarkut Elbasan, vjen vetëm disa vite, pasi më herët ky qark konsiderohej “Palermo” e Shqipërisë dhe u trondit nga disa ngjarje të rënda, me protagonistë njerëz të fuqishëm nga bota e krimit që janë goditur nga drejtësia e re.
