Pas përfundimit të mandatit në krye të SPAK-ut, Altin Dumani tashmë është angazhuar në një tjetër aktivitet jashtë Prokurorisë së Posaçme.
Në SPAK pasardhësi i tij Klodjan Braho, e ka emëruar Dumanin drejtues të Sektorit të Marrëdhënieve Juridiksionale me Jashtë, ndërsa prokurorit iu dha “drita jeshile” për të trajnuar prokurorë, hetues dhe gjyqtarë nga Kosova.
Altin Dumani do të angazhohet si ekspert kryesor në trajnimin praktik të masterklasit të nivelit të lartë për prokurorë, hetues dhe gjyqtarë nga Kosova, të organizuar nga Ambasada Britanike në Prishtinë.
Nën drejtimin e Altin Dumanit, Prokuroria e Posaçme njohu zhvillime përsa i përket goditjes së zyrtarëve dhe ish-zyrtarëve të lartë shtetërorë të akuzuar për përfshirje në afera korruptive.
