Presidenti i Ukrainës, Volodymyr Zelensky ka zbardhur detajet nga biseda me kryeministrin Edi Rama lidhur me çështjet diplomatike.
“Kam pasur një bisedë të mirë me Kryeministrin e Shqipërisë, Edi Rama. Falënderoj qeverinë dhe popullin shqiptar për mbështetjen e dhënë ndaj Ukrainës dhe popullit tonë. Biseduam edhe për iniciativat diplomatike evropiane. Është thelbësore që Evropa të jetë në tryezën e bisedimeve”, shkruan Zelesnky.
Teksa gjatë bisedimeve për fundit e luftës në Riad, mori pjesë SHBA dhe Rusia, ndërsa u përjashtua vetë Ukraina dhe Evropa, Zelensku thekson qëndrimin e tij se Evropa duhet të jetë në tryezën e bisedimeve.
Zelensky shkruan se së bashku me Ramën do të punojnë që Evropa të ketë vendin e merituar në tryezat ndërkombëtare.
“Gjithçka në lidhje me Evropën duhet të jetë me pjesëmarrjen e Evropës, dhe gjithçka për Ukrainën duhet të jetë me pjesëmarrjen e Ukrainës. Një vizion i përbashkët dhe hapa të koordinuar janë thelbësore për arritjen e një paqeje të drejtë dhe të qëndrueshme. Ne po punojmë së bashku për të forcuar sigurinë në të gjithë Evropën. Faleminderit për mbështetjen tuaj”, e mbyll Zelensky.
