Pas mbledhjes qeveritare të mbajtur disa ditë më parë në Vilën e Kuqe, kryeministri Edi Rama do të mbledhë këtë të premte Grupin Parlamentar të Partisë Socialiste.
Takimi do të zhvillohet në pallatin e Brigadave në orën 10:00 në Pallatin e Brigadave dhe pritet të përfundojë në orën 15:00.
Ndërkohë një ditë më pas (17 janar) burime bëjnë me dije se kreu i qeverisë do të mbledhë në Golem kryetarët e bashkive.
Këto mbledhje janë në kuadër të bilancit të punës së kryer si dhe për hartimin e planit të punës për 12 muajt e ardhshëm.
Gjithashtu mbledhjet zhvillohen disa ditë përpara hapjes së sezonit parlamentar për vitin 2026, që do të nisë më datë 19 janar.
