“Mirësevini në Shqipëri, parajsën e pensionistëve Italianë”, me këtë fjali nis artikulli i medias Italiane TG com i cili tregon jeten e pensionistëve Italian në qytetin e Durrësit.
Që prej nisjes së pandemisë së Covid-19 rreth 2 mijë pensionistë Italian janë zhvendosur për të jetuar në qytetin bregdetar shqiptar, ku gazetarja Italiane pati mundësi te bisedonte me disa prej tyre.
Ata kane treguar për Mediaset se kanë vendosur të jetojnë në Shqipëri pasi kostot e jetesës në këtë vend janë shumë më të ulëta se në Itali.
Në këtë reportazh të Mediaset, pensionistët italianë kanë treguar se me paratë që ata marrin, mund të përballojnë në Shqipëri edhe aktivitetet që konsiderohen gjëra luksi në Itali. E gjitha kjo pasi kostot e jetesës në vendin tonë janë shumë herë më të ulëta se në vendin fqinj.
