Nga 1 tetori do të hyjë në fuqi Marrëveshja për njohjen e pensioneve mes Shqipërisë dhe Zvicrës. Lajmin e mirë e ka bërë të ditur kryeministri Ed Rama i cili thotë se qytetarët e të dy vendeve kanë të drejtën të gëzojnë përfitimet e plota të kontributeve.
“LAJM I MIRE. Në datën 1️ tetor hyn në fuqi Marrëveshja për Sigurimeve Shoqërore mes Shqipërisë dhe Zvicrës Kjo marrëveshje do t’u ofrojë qytetarëve të të dy vendeve të drejtën të gëzojnë përfitimet e plota të kontributeve të tyre Së shpejti edhe ratifikimi i marrëveshjes me Italinë”- shkruan Rama.
Rama shton se së shpejti kjo marrëveshje do ratifikohet edhe me Italinë. Shqipëria dhe Italia kanë përfunduar negocimin teknik të marrëveshjes për pensionet.
Rreth 500 mijë shqiptarë që punojnë në Itali do të përfitojnë, kur marrëveshja të miratohet në parlamentet e dy vendeve.
