Taksa e automjeteve tani mund të kryhet 100% online përmes e-Albania me çdo kartë bankare krediti apo debiti.
Sipas njoftimit nga Drejtoria e Transportit Rrugor, procedura mund të kryhet në mënyrë të shpejtë e të sigurt nga telefoni apo kompjuteri, ku falë këtij shërbimi, përfitojnë 770 mijë zotërues automjetesh.
“Pagesa e taksës së mjeteve realizohet tashmë 100% online përmes platformës e-Albania, duke garantuar akses të plotë në pagesë me çdo kartë bankare, në mënyrë të thjeshtë dhe pa praninë fizike. Ky shërbim digjital përfaqëson një hap të rëndësishëm drejt modernizimit të shërbimeve publike dhe lehtësimit të proceseve për qytetarët, duke ofruar një procedurë të shpejtë, të sigurt dhe të aksesueshme nga telefoni apo kompjuteri. Falë këtij shërbimi, rreth 770,000 zotërues mjetesh përfitojnë lehtësira”, thotë njoftimi.
