Ka përfunduar mbledhja e kryeministrit Edi Rama me drejtuesit e qarqeve të Partisë Socialiste. Mbledhja zgjati rreth katër orë dhe u zhvillua në vilën 30 në Tiranë. Mësohet se në takim morën pjesë të gjithë drejtuesit e qarqeve.
Bëhet me dije se në këtë takim, kreu i qeverisë në cilësinë e kryetarit të PS-së, u dha porositë e tij për organizimin politik në terren, maksimalizimin e votës si dhe mbështetje për kandidatët e listës për këshillat bashkiakë.
Theksojmë se më herët Rama u takua me ministrat, ndërsa në përfundim të mbledhjes u shpreh se 2023 do ta bëjnë “tërmet”. Këto takime të kryeministrit me kabinetin qeveritar vijnë në kuadër të fushatës për zgjedhjet lokale të 14 majit.
