Kryeministri Edi Rama shfaqet gjithmonë i kuruar në çdo dalje të përditshme dhe jo pak herë është vënë në qendër të vëmendjes për imazhin e tij.
Këtë të shtunë, si rrallëherë më parë, Rama foli për imazhin e tij në podcastin, ku kishte te ftuar dy sipërmarrëse shqiptare në fushën e produkteve kozmetike.
Gjatë bisedës me to, kryeministri deklaroi se me mungesën e flokëve është në paqe, ndërsa rrudhat nuk i bëjnë përshtypje e i mirëpret.
“Dua të sqaroj një gjë; unë nuk jam i interesuar për produktet tuaja sepse flokë nuk kam. Edhe për fytyrën time është shumë vonë tani për t’u munduar për ta rifreskuar, kështu që jam në paqe me mungesën e flokëve dhe me rrudhat në fytyrë. Jam në paqe, i mirëpres të gjitha rrudhat që dalin edhe i përshëndes me mall të gjitha flokët që bien”, deklaroi Rama.
