Ditët e fundit të vitit, kryeministri Edi Rama ka konfirmuar lajmin e mirë se qeveria do të shpërndajë 8 miliardë lekë duke ndihmuar ekonomikisht rreth 1 milion familje shqiptare.
Pas pensionistëve, Rama bën me dije se “Bonus” do të përfitojnë edhe personat me aftësi të kufizuara. Shefi i qeverisë bën me dije se si pjesë e paketës së ndihmës ekonomike, personat me aftësi të kufizuara do të përfitojnë 80 mijë lekë të vjetra.
“8000Lekë (të reja) për çdo person me aftësi të kufizuar, do të lehtësojnë maksimalisht impaktin e inflacionit të luftës mbi konsumin bazë të kësaj shtrese në muajt e mbetur të dimrit, ku falë edhe subvencionimit masiv të çmimit të energjisë që do të vazhdojë përgjatë vitit 2023, mburoja financiare e qeverisë për familjet shqiptare e bën shumë më të përballueshëm këtë dimër të vështirë ekonomik për mbarë Europën”, shkruan Rama.
