Gjithçka po bëhet gati për fluturimin inagurues të veprës madhore për jugun e Shqiperise. Avioni i kompanisë “Air Albania” do të bëjë fluturimin e parë në ditët e para të muajit Maj.
Aeroporti i Vlorës do të ketë pistën më të madhe në Ballkan, me një gjatësi prej 3.2 kilometrash dhe me një terminal gjigand prej 22 mijë metrash katrorë.
“Sot, jemi vetëm pak ditë larg nga ulja e avionit të parë në aeroportin e Vlorës. Në ditët e para të majit. “Air albania” do bëjë fluturimin inaugurues duke prekur pistën më të madhe në Ballkan, 3.2 kilometra dhe 22 mijë metra katrorë terminal. Parashikimet që ne kemi për dekadat në vazhdim flasin për një numër të konsiderueshëm turistësh, pasi dhe vetë viti 2025, krahasimisht me vitin 2024 në katër muajt e parë ka 30% rritje në numrin e vizitorëve“, u shpreh ministrja.
