Kryeministri Edi Rama mëngjesin e sotëm e ka filluar me publikimin e pamjeve nga kantieri i ndërtimit të mbikalimit të Paskuqanit.
Në llogarinë e tij në “Facebook”, Rama shkruan se mbikalimi i Paskuqanit, pjesë e Unazës së Madhe të Tiranës, është një nga hyrjet kryesore në kryeqytet e cila po merr formën e duhur për të ardhmen.
“MIRËMËNGJES dhe nga punimet në mbikalimin e Paskuqanit, pjesë e Unazës së Madhe të Tiranës, një nga hyrjet kryesore në kryeqytet që po merr formën e duhur për të ardhmen, ju uroj një ditë të mbarë”, shkruan Rama. Unaza e Madhe e kryeqytetit përbën një segment prej 27 kilometrash të gjatë, e cila do t’i kushtojë në total buxhetit një vlerë prej 373 milionë eurosh. Përfundimi i saj në vitin 2023 lehtëson trafikun brenda Tiranës, ndërsa e lidh kryeqytetin me të gjithë rrugët dalëse kombëtare.
