Porti i Durrësit është kthyer në “mollën e sherrit”, për politikën shqiptare. Gjatë fjalës së tij në Kuvend, Rama tha se Porti i Durrësit aktual është si në mesjetë, ndërsa ai është krenar për marrëveshjen e re me Alabbar, ndërsa shtoi se mezi e pret miratimin e saj.
“Një port si në mesjetë, ku lulëzojnë sipërfaqet e ndryshkura dhe ku kalben mjetet lundruese, ku shtrihen mijëra metra katrorë ferra dhe ndryshqe, kur ju dëgjon ju dhe shikon këto pamje e kupton pse jemi të shqetësuar. Ju jeni fiks si këto”, u shpreh ndër të tjera Rama.
“Personalisht, jo vetëm si kryeministër, por edhe si deputeti i Durrësit me shumë padurim dhe me gëzim po numëroj orët derisa të votohet për këtë marrëveshje për investimin më të madh të huaj në historinë e vendit tonë,” tha Rama.
