Kryeministri Edi Rama ditën e sotme ka lançuar një “Rubrikë të re” ku do të zhvillojë një bashkëbisedim live me qytetarët dhe gazetarët. Kreu i qeverisë thotë se do të flasë për situatën dhe problemet e vendit tonë në vigjilje të Samitit të BE-së në Tiranë.
“Ju ftoj shihemi këtu ER-TV LIVE në orën 11:00 për përgjigjet e pyetjeve tuaja më me “spec”, mbi situatën e problemet e vendit tonë në vigjiljen e takimit më të rëndësishëm në historinë e marrëdhënieve tona ndërkombëtare, Samiti BE-Ballkani Perëndimor në Tiranë, ju uroj një të diel të mbarë”, shkruan Rama.
Kujtojmë që kanë filluar përgatitjet për Samitin e BE-së që do të zhvillohet më 6 Dhjetor, në një klimë politike aspak të qetë, kjo për shkak të protestës së PD-së. Liderët e BE-së do të priten nga Kryeministri Edi Rama në sheshin “Italia”. Më pas seanca plenare do të zhvillohet në një prej kullave të stadiumit.
