Ndërsa janë numëruar 53 kuti nga 74 në total, kandidati socialist Albert Halilaj kryeson bindshëm me 9.222 vota krahasuar me rivalin opozitar, Emri Vata që numëron 5.397 vota.
Për rezultat të deritanishëm ka reaguar edhe kryeministri Edi Rama, i cili shprehet se rezultati flet qartë për besimin e qytetarëve ndaj Partisë Socialiste e cila ka zhvilluar qytetin me aeroportin e ri.
“Kur janë numëruar pak më shumë se gjysma e kutive të votimit, kandidati i Partisë Socialiste për Bashkinë e Kukësit ka një avantazh të pakthyeshëm prej thuajse 3000 votash, i cili do të thellohet ende deri në kurorëzimin e një fitoreje shembullore, që flet qartë për besimin dhe për pritshmërinë e qytetarëve kuksianë ndaj nesh, si edhe për detyrimin tonë të madh ndaj tyre, për të bërë shumë më shumë akoma për Kukësin. FALEMINDERIT KUKËS, FALEMINDERIT TË GJITHËVE❤️”, shkruan Rama.
Po tani çfarë do thonë?! Mos vallë Berisha-Meta do vazhdojne “zakonin e vjetër” me pretendimin se Edi Rama i ka vjedhur votat?! Tashmë është e qartë si “drita e djellit” dhe deputetët demokratë duhet t’i kërkojnë “llogari” dhe ta largojnë Berishën i cili as Kukësin nuk e fitoi dot dhe po e çon PD-në drejt “gremines”.
