Protestën e cila ka hyrë në muajin e dytë, kryeministri Edi Rama i ka ndarë qytetarët në dështak dhe ujë i pastër në bulevard. Për këta të fundit po mbledh dëshmi, një prej të cilëve tregojnë takimin për administratën publike ku e ëma e një shoku të tij kishte dalë në protestë.
“Asaj duhet të shkojë në mënyrë periodike në poliklinikë. Mjeku, e para nuk vjen në orar, e dyta mjeku nuk rri deri në fund të orarit. Kjo grua në moshë, një gjyshe del në protestë sepse është e fyer. Ndjenja e poshtërimit nga shteti yt është kulmi”, tha Rama.
Punonjës të administratës si mjeku i kësaj poliklinike sipas Kryeministrit Rama i ka nxjerrë disa qytetarë në protestë duke pranuar problemet në sistemin e tij qeverisës.
“Kjo gjyshja nuk tërhiqet zvarrë fizikisht, por tek ai njeriu që tërhiqet zvarrë atje ndjehet pjesë, sepse ndërkohë është ky mjeku këtu që i tërheq zvarrë atë dhe bashkëmoshatarët dhe bashkëmoshataret e saj që me të drejtën e Zotit dhe me të drejtën që iu jep fakti që kanë kontribuar për këtë vend ë kërkojnë atë shërbimin minimal”, tha Rama.
Zgjidhja thotë Rama është komplekse, por pas 13 vitesh në pushtet, sipas tij, lufta kundër korrupsionit ka nisur të japë efekt. Në ndihmë ka ardhur teknologjia.
“Duhet që sistemi të të mbrojë dhe fiks ajo që po ndodh sot në Shqipëri që sistemi për herë të parë po lufton me korrupsionin”, tha Rama.
Përpos përballjes me protestën apo sfidës për modernizimin e sistemit, qeveria shqiptare duhet të mendojë edhe për menaxhimin e zjarreve gjatë verës. Në një ceremoni për hapjen e shkollës kombëtare të fluturimit, kryeministri u shpreh se me një akt normativ do të shtojnë kapacitetet e forcave të armatosura.
“Me aktin e ri normativ të qeverisë, një numër tjetër helikopterësh Black Hawk nga Shtetet e Bashkuara do t’i shtohen këtyre forcave”, tha Rama.
Pas shkollës së fluturimit, qeveria ka në planet e së ardhmes të çelë shkollën kombëtare të Forcave Speciale
