Këtë të hënë të 14 nëntorit, në Shkup mbahet mbledhja e përbashkët e qeverisë së Shqipërisë dhe asaj të Maqedonisë së Veriut ku do të nënshkruhen disa marrëveshje të rëndësishme mes dy vendeve.
Nga Shkupi, Rama ka kërkuar nga Bashkimi Europian të ndihmojë akoma edhe më shumë vendet e Ballkanit në “luftën” kundër rritjes së çmimeve apo edhe inflacionit.
“Kjo mbledhje është edhe në aspektin e përpjekjeve tona të përbashkëta për t’u bërë pjesë e BE, sepse e kemi kapërcyer hendekun e madh dhe torturues mes të qenit gati për të hapur bisedimet dhe refuzimit të vazhdueshëm nga ana e BE-së, sot të dyja vendet kanë çelur procesin e negociatave dhe kanë hedhur një hap shumë para, në 6 dhjetor do të mbahet samite i BE me Ballkanin Perëndimor dhe do jemi së bashku me të gjitha dëshirat, problemet dhe sfidat tona që janë gjithnjë e më të njëjta me ato të BE dhe është koha për të projektuar të ardhmen duke kërkuar së bashku nga BE që të na përfshijë gjithnjë e më shumë në përpjekjen e organizuar për t’i rezistuar rritjes së çmimit qoftë edhe inflacionit”, tha Rama.
