Kryeministri Edi Rama deklaroi se Shqipëria hapi dyert për muxhahedinët, por ata e kthen vendin tonë në platformë politike kundër regjimit në Iran.
Ndër të tjera, kreu i qeverisë shqiptare u shpreh se po bëhet gjithçka për të fuqizuar sigurinë kibernetike.
“Ne bëmë po të njëjtën edhe me këtë grup opozitar iranian, por nuk është e njëjta në sensin dhe kuptimin e rrezikut, sepse janë opozita iraniane, megjithëse marrëveshja ishte e qartë që ata do të qëndronin në Shqipëri për të qenë të sigurt dhe jo për ta kthyer Shqipërinë në një platformë politike përkundër regjimit. Dhe fatkeqësisht disa ngjarje ndodhën. Ne u sulmuam me një sulm në shkallë të gjerë, shumë i avancuar përsa i përket shërbimeve kompjuterike”, theksoi Rama.












