Kreu i Prokurorisë së Posaçme, Altin Dumani ka prezantuar strategjinë e parandalimit të krimeve zgjedhore.
Dumani i ktheu përgjigje kryeministrit Edi Rama i cili tha se strukturat e ngritura nga SPAK për të hetuar krimet zgjedhore, po tejkalojnë kompetencat Kushtetuese.
“Është një detyrim ligjor që parashikohet qartë në legjislacionin penal të Republikës së Shqipërisë. SPAK hartoi një strategji dhe një plan masash ku ndër të tjera ka parashikuar dhe grupe hetimore në terren të cilët do të operojnë duke u koordinuar me KQZ dhe prokurorinë. Hetimi do kryhet në përputhje me ligjin dhe pa ndikim politik. Ashtu si dhe është përmbledhur kur krimi zgjedhor përfshirë ai që lidhet me financimet informale goditet në kohë efekti publik është i madh dhe e kundërta zgjatja e hetimeve krijon mos besim. Prandaj, SPAK reflektoi me miratimin e kësaj strategjia nxitur sa i takon disa veprave penale që lidhen me krimin zgjedhor në përmbushje të rekomandimeve të Kuvendit”, tha Dumani, duke theksuar se: “Askush nuk duhet të ketë frikë sa kohë është në përmbushje të detyrave!”
