Kreu i Qeverisë Shqiptare, Edi Rama ka pritur në zyrën e tij në Kryeministri trajnerin e njohur të Kombëtares së Italisë, Roberto Mancinin.
Është vetë kryeministri shqiptar që ka publikuar foton me teknikun e “axurrëve” në rrjetin e tij social facebook. Sot në mbrëmje në “Air Albania”, Shqipëria do të luajë një ndeshje miqësore kundër Italisë që do të startojë në orën 20:45.
Në këtë takim stadiumi shqiptar do të jetë i mbushur plot, kjo pasi shumë tifozë shqiptar kanë një simpati të madhe për Kombëtaren e Italisë ku luajnë shumë emrat të mëdhenj të futbollit botëror.
