Kryeministri Edi Rama ka marrë pjesë sot në një takim me liderët e Ballkanit Perëndimor.
Gjatë fjalës së tij, kryeministri Rama është shprehur se kriza energjitike dhe inflacioni, treguan për domosdoshmërinë e nismës “Ballkani i Hapur”. Kreu i qeverisë theksoi rëndësinë e rajonalizimit të tregjeve në Ballkanin Perëndimir.
“Kriza energjitike dhe inflacioni i luftës kanë goditur kudo. Nuk ka dyshim se në këto kohë të vështira, ajo që kemi thënë më parë kur nisëm “Ballkanin e Hapur” bëhet gjithmonë e më e dukshme. Na duhet të rajonalizojmë tregjet tona. Dhe për sa i përket energjisë, duhet të shkojmë përtej kufijve tanë. Nëse trajtohet në mënyrë të izoluar mund të jetë shumë më e kushtueshme. Jam mirënjohës qeverisë norvegjeze, që e bënë të mundur nisjen e këtij bashkëbisedimi me njerëzit më të mirë, strukturave më të mira”, tha Rama.
